ഏഥറിന്റെ ജനപ്രിയ സ്‌കൂട്ടറുകളായ 450X, 450 അപെക്സ് മോഡലുകള്‍ക്കാണ് പ്രത്യേക ഉത്സവകാല ഓഫറുകള്‍ ലഭ്യമാക്കിയിരിക്കുന്നത്. ഈ ആനുകൂല്യങ്ങള്‍ക്കൊപ്പം രണ്ട് മോഡലുകള്‍ക്കും മൊത്തം 25,000 രൂപയാണ് ആളുകള്‍ക്ക് ലാഭം കിട്ടുക. ഓഫറുകള്‍ക്കൊപ്പം എട്ട് വര്‍ഷത്തെ എക്സ്റ്റന്‍ഡഡ് ബാറ്ററി വാറണ്ടിയും ഉള്‍പ്പെടുന്നുണ്ട്. 5,000 രൂപ വിലയുള്ള ഏതര്‍ ഗ്രിഡ് ചാര്‍ജിംഗ് വഴി ഒരു വര്‍ഷത്തെ കോംപ്ലിമെന്ററി ചാര്‍ജിംഗും ഉത്സവകാല ഓഫറിന് കീഴില്‍ ബെംഗളൂരു ആസ്ഥാനമായുള്ള ബ്രാന്‍ഡ് നല്‍കുന്നുണ്ട്. ഒപ്പം തെരഞ്ഞെടുത്ത ക്രെഡിറ്റ്, ഡെബിറ്റ് കാര്‍ഡ് ഉടമമകള്‍ക്ക് അധികമായി 10,000 വരെ ക്യാഷ്ബാക്കും ലഭിക്കും.
ഏഥര്‍ ഗ്രിഡ് ഇന്ത്യയിലുടനീളം 2,152 ഫാസ്റ്റ് ചാര്‍ജിംഗ് പോയിന്റുകളാണ് ഇതുവരെ സ്ഥാപിച്ചിരിക്കുന്നത്. കേരളത്തില്‍ കൊച്ചി പോലെയുള്ളടിങ്ങളിലാണ് ഗ്രിഡിന്റെ സേവനം ലഭ്യമാവുക. ഏഥര്‍ എനര്‍ജിയുടെ 450X ഇവി രണ്ട് ബാറ്ററി ഓപ്ഷനുകളിലാണ് വാഗ്ദാനം ചെയ്യുന്നത്. 2.9 kWh ബാറ്ററി പായ്ക്കുമായി വരുന്ന പതിപ്പ് 111 കിലോമീറ്റര്‍ IDC റേഞ്ച് നല്‍കുന്നുണ്ടെന്നാണ് കമ്പനി പറയുന്നത്. ഇലക്ട്രിക് സ്‌കൂട്ടറിന്റെ വലിയ 3.7 kWh ബാറ്ററി വേരിയന്റ് 150 കിലോമീറ്ററിന്റെ ഉയര്‍ന്ന റേഞ്ചും വാഗ്ദാനം ചെയ്യുന്നുണ്ട്. കൂടുതല്‍ ശക്തമായ കോണ്‍ഫിഗറേഷന്‍ ഫീച്ചര്‍ ചെയ്യുന്ന 450 അപെക്സ് ഇവി വിപണിയിലെ ഏറ്റവും പവര്‍ഫുള്ളായ ഇലക്ട്രിക് സ്‌കൂട്ടറുകളില്‍ ഒന്നായാണ് അറിയപ്പെടുന്നത്. സിംഗിള്‍ ചാര്‍ജില്‍ ഏകദേശം 157 കിലോമീറ്റര്‍ IDC റേഞ്ചാണ് ഇവിയില്‍ കമ്പനി അവകാശപ്പെടുന്നത്. അപെക്സിന്റെ ഉയര്‍ന്ന വേഗത മണിക്കൂറില്‍ 100 കി.മീ ആയാണ് ക്രമീകരിച്ചിരിക്കുന്നത്.
ather has come up with a great festive offer; Don’t miss it!
