മെഴ്സിഡീസ് ബെൻസിന്റെ മെയ്ബ എസ് 580 സ്വന്തമാക്കി സംവിധായകൻ കരൺ ജോഹർ. 2.70 കോടി രൂപ എക്സ് ഷോറൂം വില വരുന്ന വാഹനം ഓൺ റോഡെത്തുമ്പോൾ വില 3 കോടി രൂപയിലെത്തും. ഡ്യൂവൽ ടോൺ നിറത്തിൽ കസ്റ്റമൈസ്‌ ചെയ്തതാണ് കരൺ ജോഹറിന്റെ ആഡംബര സെഡാൻ. പല സിനിമാതാരങ്ങളുടെയും പ്രിയപ്പെട്ട ഈ വാഹനം പ്രീമിയം ഫീച്ചറുകൾ കൊണ്ട് സമ്പന്നമാണ്.
19 ഇഞ്ച് മോണോ ബ്ലോക്ക് അലോയ് വീലുകൾ, വെന്റിലേഷൻ, ഹീറ്റിങ്, കൂളിങ് എന്നിവയുള്ള നാപ്പ ലെതർ റിയർ സീറ്റുകൾ, 12.8 ഇഞ്ച് പോർട്രൈറ്റ് ടച്ച് സ്ക്രീൻ ഇൻഫോടെയ്ൻമെന്റ് സിസ്റ്റം എന്നിങ്ങനെ ഫീച്ചറുകളുടെ ഒരു നീണ്ട നിര തന്നെ ഈ ആഡംബര സെഡാന് മെഴ്സിഡീസ് നൽകിയിട്ടുണ്ട്. 4.0 ലീറ്റർ ബൈ ടർബോ വി 8 മൈൽഡ് ഹൈബ്രിഡ് പെട്രോൾ എൻജിനാണ് കാറിന് കരുത്ത് പകരുന്നത്. വാഹനത്തിന്റെ പരമാവധി കരുത്ത് 496 ബി എച്ച് പി യും 700 എൻ എം ടോർക്കുമാണ്. 9 സ്പീഡ് ഓട്ടമാറ്റിക് ട്രാൻസ്മിഷനാണ്.ബോളിവുഡിൽ നിന്നും കരൺ ജോഹറിനെ കൂടാതെ വിദ്യ ബാലൻ, അനിൽ കപൂർ, കങ്കണ റണൗത്ത്, ഷാഹിദ് കപൂർ, കിയാര അദ്വാനി തുടങ്ങിയ താരങ്ങളും മെയ്ബ 580 സ്വന്തമാക്കിയിട്ടുണ്ട്.
karan johar’s new car