ഇന്നോവ ഹൈക്രോസ് ഹൈബ്രിഡിൻ്റെ മുൻനിര വകഭേദങ്ങൾക്കായുള്ള ഓർഡറുകൾ 2023 ഏപ്രിലിൽ ടൊയോട്ട നിർത്തിവച്ചിരുന്നു, ഇത് ഒരു വർഷത്തിന് ശേഷം 2024 ഏപ്രിലിൽ പുനരാരംഭിച്ചത് വലിയ ആശ്വാസമായിരുന്നു. ഇപ്പോഴിതാ ഇന്നോവ പ്രേമികൾക്ക് വിഷമം നൽകുന്ന ഒരു വാർത്തയാണ് പങ്കുവയ്ക്കുന്നത്. . ടോപ്പ്-സ്പെക്ക് ഹൈബ്രിഡ് വേരിയൻ്റുകളുടെ ബുക്കിംഗ് വീണ്ടും തുറന്ന് ഏതാനും ആഴ്ചകൾക്ക് ശേഷം, കാത്തിരിപ്പ് കാലയളവ് വീണ്ടും കമ്പനി ഉയർത്തി. ടൊയോട്ട ഇന്നോവ ഹൈക്രോസിൻ്റെ ടോപ്പ്-സ്പെക്ക് ZX, ZX (O) ഹൈബ്രിഡ് വേരിയൻ്റുകളുടെ ബുക്കിംഗ് വീണ്ടും താൽക്കാലികമായി നിർത്തിവച്ചു എന്നാണ് കമ്പനി വെളിപ്പെടുത്തുന്നത്. ഹൈബ്രിഡ് എംപിവി വേരിയൻ്റുകളുടെ കാത്തിരിപ്പ് കാലയളവ് 14 മാസം അല്ലെങ്കിൽ ഒരു വർഷത്തിൽ കൂടുതലാണ്. ഈ വേരിയൻ്റുകളുടെ കാത്തിരിപ്പ് സമയം കുറയുമ്പോൾ ബുക്കിംഗ് വീണ്ടും തുറക്കുമെന്ന് പ്രതീക്ഷിക്കുന്നു. അതേസമയം, ഉപഭോക്താക്കൾക്ക് VX, VX (O) ഹൈബ്രിഡുകൾ ഉൾപ്പെടെ MPV-യുടെ മറ്റ് വേരിയൻ്റുകൾ ബുക്ക് ചെയ്യാം.
10 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് ഡിസ്‌പ്ലേ, 7 ഇഞ്ച് ഡിജിറ്റൽ ഡ്രൈവർ ഡിസ്‌പ്ലേ, ഡ്യുവൽ സോൺ ക്ലൈമറ്റ് കൺട്രോൾ, വെൻ്റിലേറ്റഡ് ഫ്രണ്ട് സീറ്റുകൾ, പനോരമിക് സൺറൂഫ്, വയർലെസ് ഫോൺ ചാർജർ തുടങ്ങിയ സൗകര്യങ്ങളോടെയാണ് ടൊയോട്ട ഇന്നോവ ഹൈക്രോസിൻ്റെ ടോപ്പ്-സ്പെക്ക് ഹൈബ്രിഡ് വേരിയൻ്റ് വരുന്നത്. ഇതിൻ്റെ സുരക്ഷാ കിറ്റിൽ ആറ് എയർബാഗുകൾ, 360-ഡിഗ്രി ക്യാമറ, ടയർ പ്രഷർ മോണിറ്ററിംഗ് സിസ്റ്റം (TPMS), ഫ്രണ്ട് ആൻഡ് റിയർ പാർക്കിംഗ് സെൻസറുകൾ, ലെയ്ൻ-കീപ്പ്, ഡിപ്പാർച്ചർ അസിസ്റ്റ്, അഡാപ്റ്റീവ് ക്രൂയിസ് കൺട്രോൾ എന്നിവയുള്ള നൂതന ഡ്രൈവർ അസിസ്റ്റൻസ് സിസ്റ്റങ്ങളുടെ (ADAS) ഫുൾ സ്യൂട്ട് ഉൾപ്പെടുന്നു. , കൂടാതെ യാന്ത്രിക-അടിയന്തര ബ്രേക്കിംഗ്സംവിധാനവും പുതിയ ഹൈബ്രീഡ് ഇന്നോവയിലുണ്ട്.
