ബോളിവുഡ് ആക്ഷൻ സിനിമയെ അനുസ്മരിപ്പിക്കുന്ന രംഗങ്ങളുമായി ഉത്താഖണ്ഡ് പൊലീസിന്റെ മാസ് ആക്ഷൻ. മഹീന്ജ്ര ബൊലോറോ പൊലീസ് വാഹനം ആശുപത്രി കിടക്കയിലേക്ക് ഓടിച്ചു കയറ്റി പ്രതിയെ പിടിക്കുന്ന രംഗം സോഷ്യൽ മീഡിയയിൽ കൈയ്യടി നേടുകയാണ്. ഉത്തരാഖണ്ഡ് പോലീസ് ഉദ്യോഗസ്ഥർ ഒരു പ്രതിയെ അറസ്റ്റ് ചെയ്യാൻ ഋഷികേശിലെ എയിംസ് ആശുപത്രിയിലെ വാർഡിൽ പ്രവേശിച്ചതാണ് സംഭവം,.വാർഡിലെ ആരോ പകർത്തിയ വീഡിയോ സോഷ്യൽ മീഡിയയിൽ തീ പോലെ വൈറലായി. സംഭവം പോലീസ് നടപടികളെക്കുറിച്ചും ആശുപത്രി പ്രോട്ടോക്കോളുകളെക്കുറിച്ചും ഒരു സംവാദത്തിന് തുടക്കമിടുമെങ്കിലും, ആശുപത്രി വാർഡിലെത്തി പ്രതിയെ പിടികൂടിയെ പൊലീസിന്റെ സാഹസിക നീക്കത്തിന് കയ്യടി നേടുകയാണ്.
വീഡിയോയിൽ, ഒരു മഹീന്ദ്ര ബൊലേറോ പിസിആർ ഒരു പോലീസുകാരൻ വഴികാട്ടുമ്പോൾ തിരക്കുള്ള വാർഡിലേക്ക് പ്രവേശിക്കുന്നത് കാണാം.രോഗികൾ സ്‌ട്രെച്ചറുകളിൽ കിടക്കുന്നതും ആശുപത്രിയിലെ സ്വകാര്യ സെക്യൂരിറ്റി ഗാർഡുകൾ പോലും തടയുന്ന ചില സ്‌ട്രെച്ചറുകൾ നീക്കി പോലീസ് കാറിൻ്റെ വഴിയൊരുക്കുന്നത് കാണാം.എയിംസിലെ ഋഷികേശിലെ വനിതാ ഡോക്ടറെ ലൈംഗികമായി ഉപദ്രവിച്ചെന്ന കുറ്റാരോപിതനായ ഒരു പുരുഷ നഴ്‌സിനെ അറസ്റ്റ് ചെയ്യാനായിട്ടായിരുന്നു സാഹസിക ഡ്രൈവിങ്. സംഭവത്തെക്കുറിച്ചുള്ള കൂടുതൽ വിശദാംശങ്ങൾ ഉടൻ പുറത്തുവരുമെന്ന് പ്രതീക്ഷിക്കുന്നുണ്ടെങ്കിലും, പ്രതിയുടെ പ്രവൃത്തികൾക്കെതിരെ ആശുപത്രി ജീവനക്കാർ ഡീൻ ഓഫീസിന് മുന്നിൽ പ്രതിഷേധിക്കുകയും അതിനായി പോലീസുമായി ബന്ധപ്പെടുകയും ചെയ്തതായി റിപ്പോർട്ടുണ്ട്. തുടർ അന്വേഷണങ്ങളിൽ കേസിനെക്കുറിച്ചുള്ള കൂടുതൽ വിശദാംശങ്ങളും പൊലീസ് വെളിപ്പെടുത്തുമെന്നാണ് അറിയിച്ചിരിക്കുന്നത്.
